相信大家一生中總有幾個重要日子係值得你自己早半年或者成年去準備皮膚。
希望呢一篇文可以幫到你準備當日，迎接你最重要的日子。
先講左兩個事實上
(1) 半年，即係24星期，夠你改變成個皮膚。(如果你唔係本身有皮膚病或者用開食開皮膚藥)
(2) 產品要試，但係唔好亂試。美容院可以去，但係唔好亂去。
首先，我會站係天然加少量化學成分的角度去講以下有關我的諗法。
我假設你有半年，希望你有以下的Budget去試下以下的產品。
(1) 蜜糖 (較建議Raw honey 或者 Manuka honey) (~$50-200)
蜜糖係一個非常之好的護膚成分。但市面上唔少蜜糖都整走晒養分，所以要買上面個兩種，唔洗係香港買，外國便好多。
蜜糖有補濕的作用，更重要有令你皮膚變得軟的功效 (暫時效果)。Manuka honey亦有強效的消炎的作用 (建議用UMF 15+ // 對開口傷口而言)。
你要試的係你對你買個隻蜜糖有冇敏感。
直接將蜜糖用上面就得。 大約試三至四次都夠。唔好係試個時加其它Paper Mask Cream Mask。
(2) 薑黃粉 (~$30)
薑黃粉有即時提亮膚色的效果，好似泥mask咁做。將岩份量的粉同水mix埋上面。當然最好係用有機的薑黃粉啦，最好係比較大牌子，起碼你都敢上面先。你都係試三至四次就得。呢d產品都係即時性，唔洗見到有效就日日用，個個星期用。
(3) AHA+BHA
你地大約要知道你用邊一個比例的AHA 同埋 BHA係唔會敏感，而有用的。 (通常用到8%AHA及2%BHA以上就需要注意敏感)
(4) 搵定一隻有矽靈的cream或者油，而呢隻係唔會令到你爆瘡
之後你地會諗，我面上有問題，應該點做。
(1) 乾到脫皮
乾性皮膚要有定期做下保濕面膜。但坊間咁多保濕面膜用邊隻。事實上出面的面膜大部分落左大量防腐劑(特別係紙面膜)、增稠劑等等令你敏感的野。我覺得你搵一隻岩你的純露，將佢當為你的每日護膚面膜toner(爽膚水)。乾性皮膚，大馬士革玫瑰會係你好選擇。
(2) 長期易敏感易發紅
對於易發紅的人，更加要小心選擇用乜野。對於敏感皮膚未必岩做酸性去角質，可以去搵下泥土面膜試下。另外德國洋甘菊會幫你穩定到皮膚。當然，如果長期有問題，建議睇睇西醫問清楚咩原因先(例如痤瘡)。
(3) 暗瘡、暗粒
暗瘡的成因一定走唔開「角質堆積、有菌」。所以你需要定期用下去角質的產品。建議用AHA+BHA，但小心酸令暗瘡引起刺激。所以你應該選擇酸性無咁低的產品。台灣試過測試到有隻酸性去角質產品低到PH 2.1。對皮膚黎講，最好唔好低過3。暗粒用BHA會慢慢冒頭出黎，什至整走左。
但無論你有咩問題，無咩問題都好。
(一) 減少你呢半年化妝的次數
化妝好傷好傷皮膚
(二) 少用垃圾護膚品
通常一用錯就搞好耐
(三) 調理好身體
皮膚永遠都係反映身體，身體差，你做幾多野都唔得
你地永遠想皮膚靚之後走去做美容院。通常就係咁，皮膚搞差晒。
(1) 唔好去美容院做任何果酸煥膚，因為比較易出事
(2) 美容院，如果搵到間手勢好，針清絕對係幫到你令黑頭無咁快出，無咁易留印
(3) 盡量唔好做會見血或者打針的療程，特別係近重要日子(~2-3個月)
(4) 唔好走去做普通Facial，即係純粹做下面膜個種，你買返d好的產品係屋企做都一樣做到
做完任何機器的療程，都唔好忽略左事後護理。
記得每日濕敷返純露 (德國洋甘菊、大馬士革玫瑰 // 敏感皮膚以1:1的份量將蒸餾水同純露兌開)，同埋用返修護性的成分(B5、荷荷巴油、沙棘果油、月見草油)
呢個係你事前的準備工作，上之二會講下美白
我係一個普通人，無學識，無專業，但對護膚品略有興趣。
http://www.facebook.com/4GO-219338838432480/?fref=nf
沒有留言:
張貼留言