護膚技巧 — 先油後水 、 先水後油 ? (一) 原理

護膚技巧 — 先油後水 、 先水後油 ?

有人問到某一隻牌子的滲透乳的功效。係了解呢一隻產品的功效，首先要了解護膚的知識。

我地經常性聽到的護膚步驟，係

潔面-->爽膚-->精華-->潤膚

點解會係呢四隻步驟呢?

潔面係去除表面油脂同角質的功能，令到後面的保養更容易滲入皮膚。

爽膚係補充水分以及平衡皮膚PH值。我地經常聽到爽膚水唔係必須，原因係因為入面80-90%都係普通水分。事實上，廠商大部分係設計爽膚水主要由小分子(例如:甘油、醣類)補濕為主，因為補好濕可以令到你更加容易吸收保養品。但比較少見會用大分子的爽膚水。

我地通常下一步係精華，精華本來設計應該係要用大量的小分子活性成分令皮膚變好。

而潤膚，我地大部分會用Cream(由水、油、乳化劑組成)或者Oil，無論邊種，原理都會係用油分封住水分。

點解會咁設計，係因為分子量的大小。分子更小的，會將佢放係護膚步驟比較前的位置 ; 分子更大的，會將佢放係護膚步驟比較後的位置。

所以透明質酸精華比較好的方法應該放係最後一支精華的原因就係咁解。
而潤膚膏的作用就係利用油分將本來卡係角質層小分子成分(較前護膚步驟的成分)推或者助滲入皮膚較底的層數。

以上係先水後油的理念。

而先油後水 (或者叫水油水)
同先水後油的基本理念相似，都係先小分子的先用，大分子後用。
利用小分子的水分加油分平滑返角質層，疏通返角質的縫隙，同時油分可以有滑順的作用，之後的水就可以唔係只係卡住角質層外面。
係用完油分之後，要不斷按摩，令到之前的油吸收晒、水分蒸發晒(要等上一段時間，期間不斷按摩)。咁後面的水分就可以由蒸發左的水分的空間滲入更底層的皮膚。

但如果你一開始的油分係完全吸收唔到的，包括非揮發性矽靈，礦物油，大分子合成脂。你成支野的功效就會打晒拆扣。

我係一個普通人，無學識，無專業，但對護膚品略有興趣。
http://www.facebook.com/4GO-219338838432480/?fref=nf