產品點評 — 家用水光針 ︰ 等同一千蚊買一支30ml補濕/抗老精華

產品點評 — 家用水光針 ︰ 

等同一千蚊買一支30ml補濕/抗老精華

我隨便搵一下seller講水光針可以達到的功效

水光的作用

1、皺紋、粗大毛孔、皮膚鬆弛下垂

(粗大毛孔係無辦法通過家用護膚品改善)

2、雀斑、日光斑、老年斑、黃褐斑、色素沈著等色素性疾病

(補好濕會無咁覺眼，即時淡左，但無可能靠一支精華2.5ml就會令理完全無左)

3、毛細血管擴張症、皮膚潮紅、酒渣鼻、紅斑性痤瘡等血管性疾病

(補濕係任何皮膚都需要做)

4、皮膚黯沈，光潔度低，皮脂分泌多，青春痘 「邊種人適合注射水光針來實現美容效果」

(補好濕令皮膚多d水份，光線折射率即時提高，達到亮白)

首先我地了解水光針係乜野黎先。

水光針原本係醫學美容的一種產品 原意係醫生透過「打針」的方式將透明質酸打入你皮膚，利用透明質酸「吸水」同「填充」的效果，達到提升皮膚的水分同光亮度。

問題係「家用」水光針點樣可以達到「醫學」用水光針呢?

醫學用的水光針係利用注射的方式，並無任何要由你面上滲入表皮層，直接打入去。

家用係通過塗抹精華的方式，用利用導出導入機或者微針將營養液逼入。當你係通過塗抹方式的時候，你就需要遵守一個原則，成分能唔能夠滲入表皮層。事實上，所有大過500的分子係極難滲入皮膚。而透明質酸，即使係納米級的透明質酸都有3000道爾頓，你點樣用家用的導出導入或者家用微針都無可能將透明質酸滲入去，佢只會係皮膚表面吸水。

所以所謂的家用水光針只係 一支補濕精華。

咁佢其它的營養液呢？

呢個就係問題，佢單單以一句營養液，你就信佢。咁我賣一支蒸餾水就當係營養液再賣到1000蚊你係唔係買先?

重點係，應該提供成分表比消費者了解你的營養液有幾營養，定只係一支有矽靈、乳化劑同埋香料的營養液？

常見水光針效果

1) 好似即刻好多水分係皮膚

答 : 你將一支蒸餾水塗上面都可以 ，另外再加少少吸濕劑，就形成好多水分吸係皮膚到

例如 甘油 1000ml/$3x-6x

2) 表面好似即時亮白

答 : 你皮膚有水分就會即刻白，你試下敷完mask再睇下，都會即刻白左，因為皮膚有水分，光的折射率高左，咪白左

3) 表面好似滑左

答 : 加矽靈，部分蛋白質都可以做到相同效果。但無護膚功效果

簡單一句家用水光針係乜?

將一支25ml的精華拆開十支賣，之後升價十倍。

你每一次將你支精華拎2.5ml出黎用都有相同效果。

我係一個普通人，無學識，無專業，但對護膚品略有興趣。
http://www.facebook.com/4GO-219338838432480/?fref=nf