植物油的錯誤認知 - 上

通常受得大牌子BA影響的人一定會講出唔同的說話去表達一句說話

「油唔係個個頂得順」

事實上，你要明白油係乜野黎，無論係植物油，合成脂，礦物油都係護膚品製作時叫作油相。

乜野叫油相? 就係你地平時話怕油怕油的油再加油溶性的添加物。

而係邊到會出現。

例如爽膚水、精華、乳液、面霜通通都可能有油分

所以講出夏天唔用得油，我建議真係要睇多少少。

唔係唔用得油，而係用邊隻油、用幾多的問題。

事實上唔少廠商都會為左製作「潤身」的感覺，加左唔少「油」係入面。而通常係合成脂，
合成脂唔係完全不可取，但廠商鐘意用的合成脂唔少都係分子量小過500，最終人體又排唔走，變左堵塞毛孔。

所以用完冷壓有機植物油爆瘡第一件事唔係否定件植物油功能，而要反思

(1)  你有冇選擇錯左油
(2)  你之前係唔係用埋D垃圾護膚品

老實講，荷荷巴油用一至兩滴對皮膚基本係零負擔
荷荷巴油名叫油，但大部分成分都係天然皮膚有的野
唔小人會比較鐘意形容荷荷巴做Wax多過Oil

問題係，如果你用一至兩滴都爆，點解
你地應該聽過皮膚用開「化學野」再轉返「天然野」會有一排會乾、脫皮、爆瘡
即係所謂的「好轉反應」

我同意用安全的「化學野」，而我認為安全的「化學野」(e.g. vitamin)係唔會出現以上問題。通常係你平時用開有問題的產品而成。唔係你用左上面無敏感就無事，如果你地用開某一類產品，有幾日乜都無用，只係清水洗面 ; 或者天生皮膚明明無乜問題，但用左護膚品之後皮膚一停用產品有出現問題，你需要反省你堆護膚品係唔係bullshit

所以，先諗下你用開的產品係唔係垃圾油分多，再諗下好的植物油同垃圾油分邊個可取。