護膚第一步 — 清潔

護膚第一步 — 清潔

無論你用唔用護膚品，無論你用唔用要買返黎的產品去洗面，每個人都需要清潔。

香港有嚴重的空氣污染，空氣問題更加受制受鄰近國家的影響。所以你每一日都需要清潔。

清潔方法有好多種，例如毛巾、清水拍打、洗面產品、洗面機、導出導入機同埋手工皂。我地先唔評論每個方法的好壞，但你做呢一步應該要明白乜野係清潔的目的 — 溫和地洗走面上多餘油脂。

重點只有兩個—溫和、多餘油脂。
所以，我地經常聽到「唔好用SLS(Sodium Lauryl Sulfate)」的成分就係咁解。

再多的護膚效果都無意思，一分鐘後都沖左落洗手盆。

之後會開始簡介下唔同的洗面產品的優點缺點。

護膚初心者 — 學會選擇

護膚初心者 — 學會選擇

「哇！我比阿XXX係Youtube介紹個隻YY牌子的ZZ面膜燒著晒。」

「聽講YY牌子的ZZ面膜幾好用，有冇人試過？」

「個隻面膜用豆腐造架，仲講明十四天亮白奇蹟。好想買返黎試下。」

「阿XXX用完之後皮膚好白好滑，不如去買返個」

結果大部分係：
「用完之後敏感」、「成塊面紅晒」、「點解起晒粒粒」

問題出現係呢到：「點解人地用完好似無事，我用完就出事？」

最後就進入左一個惡性循環：買新護膚品、敏感、用新的抗敏護膚品、正常返、再買新的護膚品。

護膚品都係由唔同的原料組成，通過唔同的方法，合成唔同的產品。

但萬變不離其宗，就係佢都要將不同的成分合成。
而我地可以減少買錯野，敏感多次的方法，
就係要學識睇成分、學識了解唔同成分的優點缺點、
學識睇呢個產品有冇出古惑。

咁你先真正做到護膚初心者—選擇。

呢個Facebook Page 應該可能或者 會定期介紹下不同產品、護膚的資訊 。
而只有一個宗旨 ：

安全、天然、科學為本